കൊച്ചി രാജാക്കന്മാരുടെ പ്രതിമകൾ

 

Maharaja of Cochin, Sri Rama Varma, sourced from wikicommons.

തൃശൂർ

1. പാറമേക്കാവ് ക്ഷേത്രത്തിനു മുന്പിൽ - ഒഴിഞ്ഞ വലിയ തമ്പുരാൻ ശ്രീ രാജർഷി രാമവർമ്മ (1895-1914)
2. കോർപ്പറേഷൻ ഓഫീസിനു മുന്പിൽ - മദിരാശിയിൽ തീപ്പെട്ട വലിയ തമ്പുരാൻ ശ്രീ രാമവർമ്മ (1914-1932)
3. ശക്തൻ തമ്പുരാൻ നഗർ - ശക്തൻ തമ്പുരാൻ ശ്രീ രാമവർമ്മ.

എറണാകുളം

1. രാജേന്ദ്ര മൈതാനം - ഒഴിഞ്ഞ വലിയ തമ്പുരാൻ ശ്രീ രാജർഷി രാമവർമ്മ (1895-1914)
2. സുഭാഷ് പാർക്ക് - ചൊവ്വരയിൽ തീപ്പെട്ട വലിയ തമ്പുരാൻ ശ്രീ രാമവർമ്മ (1932-1941)

തൃപ്പൂണിത്തുറ

1. സ്റ്റാച്യൂജംഗ്ഷൻ - ചൊവ്വരയിൽ തീപ്പെട്ട വലിയ തമ്പുരാൻ ശ്രീ രാമവർമ്മ (1932-1941)
2. കളിക്കോട്ട പാലസ് - ചൊവ്വരയിൽ തീപ്പെട്ട വലിയ തമ്പുരാൻ ശ്രീ രാമവർമ്മ (1932-1941) - തൃശ്ശൂർ ശക്തൻ തമ്പുരാൻ പാലസ്സിൽ നിന്നും കൊണ്ടുവന്നത് (to be confirmed).

എന്റെ പരിമിതമായ അറിവിൽ നിന്നും ഉള്ളതാണ്. തെറ്റുണ്ടെങ്കിൽ തിരുത്തണം. 

വേറെ എവിടെയെങ്കിലും പ്രതിമകൾ ഉണ്ടോ എന്നറിയില്ല

വെച്ചുനമസ്കാരം

 

വെച്ചുനമസ്കാരം

Maharaja Rama Varma's (Chowarayil Theepetta Valiya Thampuran) 60th Birthday.
Photo from https://www.cochinroyalhistory.org/

കൊച്ചി രാജ്യത്ത് വലിയതമ്പുരാനായിരിക്കേ, അമ്മത്തമ്പുരാൻ അന്തരിച്ചാൽ അവരുടെ ശ്രാദ്ധദിനത്തിൽ വലിയതമ്പുരാൻ ബ്രാഹ്മണപ്രീതിക്കായി നടത്തുന്ന വൈദികച്ചടങ്ങാണ് വെച്ചുനമസ്കാരം. 

മഹാരാജാവിന്റെ തിരുനാളിനും വെച്ചുനമസ്കാരം പതിവുണ്ടായിരുന്നു. ഈശ്വരന്മാരെപ്പോലെ ബ്രാഹ്മണരേയും പൂജാദിദാന കർമ്മങ്ങൾകൊണ്ട് പ്രസാദിപ്പിച്ചു വന്ന അതീത കാലത്തിന്റെ ഒരു സവിശേഷതയായിരുന്നു ഈ ചടങ്ങ്.

വെച്ചുനമസ്കാരം കർമ്മികൾക്കും ഭട്ടതിരിമാർക്കുമുണ്ട്. പടിഞ്ഞാറ്റിയിലോ തെക്കിനിയിലോ വിളക്കും നിറപറയും വെച്ച് ആവണപ്പലകകൾ നിരത്തിയിടുന്നു. രാവിലെയെങ്കിൽ കിഴക്കോട്ടും വൈകിട്ടെങ്കിൽ പടിഞ്ഞാട്ടുമായി ആവണപ്പലകയിൽ കർമ്മികൾ ഇരിക്കുന്നു. വിളക്കിനു സമീപമിട്ടിരിക്കുന്ന ആവണപ്പലകയിൽ പണക്കിഴിയും വെറ്റിലടയ്ക്കയും വെച്ച് നാക്കില എടുത്തുവെച്ചതിനുശേഷം വെച്ചുനമസ്കാരം ചെയ്യുന്ന ആൾ ഇരിക്കുന്ന ബ്രാഹ്മണരെ പ്രദക്ഷിണം വെച്ച് മൂന്നുതവണ നമസ്കരിക്കുന്നു. പ്രദക്ഷിണം തുടങ്ങി നമസ്കാരം കഴിയുംവരെ എല്ലാവരും കൈകൊട്ടിക്കൊ ണ്ടിരിക്കും. നമസ്കരിച്ചിരുന്നാൽ, കർമ്മികൾ ഓരോരുത്തരായി എഴുന്നേറ്റ് നാക്കിലയിലെ പണം കെകൊണ്ട് തൊട്ട്, ഇരിക്കുന്നവരെ അനുഗ്രഹിക്കുന്നു.

- പുരാണമഞ്ജരിയിൽ നിന്ന്

Published in Madhava Kalyan monthly magazine in 1997

നവഗ്രഹസ്തോത്രം

 നവഗ്രഹസ്തോത്രം

(വ്യാസമുനി രചിച്ച ഈ സ്തോത്രം ഭക്തിയോടെ പതിവായി ചൊല്ലുന്നവർക്കു ഒരു കാര്യത്തിലും തടസ്സം നേരിടുകില്ല. ദുഃസ്വപ്നദോഷം തീർക്കും. ഐശ്വര്യവും ആരോഗ്യവും നിസ്തുലമായി വരും. ഗ്രഹം , നക്ഷത്രം , ചോര, അഗ്നി ഇവ കൊണ്ടുള്ള പീഡകൾ ഉണ്ടാകയുമില്ല).

ജപാകുസുമസങ്കാശം

കാശ്യപേയം മഹാദ്യുതിം

തമേരിം സർവ്വപാപഘ്നം

പ്രണതോസ്മി ദിവാകരം

(1)

ചെമ്പരത്തിപ്പൂവിനു സദൃശമായിരിക്കുന്നവനേ, കശ്യപപുത്രനേ, വലിയ പ്രഭയുള്ളവനേ, ഇരുട്ടിനു ശത്രുവായിരിക്കുന്നവനേ, സർവപാപങ്ങളെയും നശിപ്പിക്കുന്നവനേ, ഹേ ആദിത്യഭഗവാനേ ഇതാ ഞാൻ നമസ്കരിക്കുന്നു.

ദധിശംഖതുഷാരംഭം

ക്ഷീരോദാർണ്ണവ സംഭവം

നമാമി ശശിനം സോമം

ശംഭോർ മകുടഭൂഷണം

(2)

തൈര്, ശംഖ്, മഞ്ഞ് ഇവയുടെ പ്രകാശത്തോടു കൂടിയവനും പാൽക്കടലിൽനിന്നും ഉണ്ടായവനും മുയലിൻറ അടയാളത്തോടുകൂടിയവനും പരമശിവന്റെ ശിരസ്സിനു അലങ്കാരമായിരിക്കുന്നവനും ആയ ഹേ ചന്ദ്രനേ ഇതാ ഞാൻ നമസ്കരിക്കുന്നു.

ധരണീ ഗർഭസംഭൂതം 

വിദ്യുൽ കാന്തി സമപ്രഭം 

കമാരം ശക്തിഹസ്തം തം

മംഗലം പ്രണമാമ്യഹം 

(3)

ഭൂമിയുടെ വയറ്റിൽ പിറന്നവനായി, മിന്നലിനു തുല്യം കാന്തിമാനായി, ശക്തി എന്ന ആയുധം ധരിച്ചിരിക്കുന്നവനായിട്ടുള്ള ചൊവ്വായെ ഇതാ ഞാൻ നമ സ്കരിക്കുന്നു.

പ്രിയംഗു കലികാശ്യാമം 

രൂപേണാപ്രതിമം ബുധം 

സൗമ്യം സൗമ്യഗുണോപേതം

തം ബുധം പ്രണമാമ്യഹം 

(4)

പ്രിയംഗുവൃക്ഷത്തിന്റെ മൊട്ടിനു സമം ശ്യാമ നിറമുള്ളവനേ, നല്ല സൗന്ദര്യമുള്ളവനേ, ബുദ്ധിസാമർത്ഥ്യമുള്ളവനേ, ശാന്തസ്വഭാവത്തോടുകൂടിവനേ, ബുധപ്രഭുവേ ഇതാ ഞാൻ നമസ്കരിക്കുന്നു. 

ദേവാഞ്ച ഋഷീണാഞ്ച 

ഗുരും കാഞ്ചന സന്നിഭം

ബുദ്ധിഭൂതം ത്രിലോകേശ

തം നമാമി ബൃഹസ്പതിം

(5)

ദേവന്മാർക്കും മുനിമാർക്കും ആചാര്യനായി, സ്വർണ്ണ പ്രകാശമുള്ളവനായി, സദാ ബുദ്ധികൂർമ്മ ഉള്ളവനായി, മൂന്നു ലോകങ്ങളുടെയും അധിപതിയായി, വിരാജികുന്ന വ്യാഴഭഗവാനേ ഇതാ ഞാൻ നമസ്കരിക്കുന്നു.

ഹിമകുന്ദമൃണാളാഭം

ദൈത്യാനാം പരമം ഗുരും 

സർവ്വശാസ്ത്രപ്രവക്താരം

ഭാർഗ്ഗവം പ്രണമാമ്യഹം

(6)

മഞ്ഞ് മുല്ലപ്പൂവ് താമരവളയം എന്നിവയുടെ പ്രകാശവുള്ളവനും, അസുരന്മാരുടെ ഗുരുവും . ശാസ്ത്രങ്ങളെല്ലാം പഠിപ്പിക്കുന്നവനും ആയ ശുക്രാചാര്യരേ ഇതാ ഞാൻ നമസ്കരിക്കുന്നു.

നീലാഞ്ജനസമാഭാസം 

രവിപുത്രം യമാഗ്രജം

ഛായാമാർത്താണ്ഡസംഭൂതം

തം നമാമി ശനൈശ്ചരം 

(7)

നീലമഷിയുടെ വർണ്ണത്തോടുകൂടിയവനായി, സൂര്യന്റെ പുത്രനായി, യമധർമ്മന്റെ ജ്യേഷ്ഠനായി, ഛായാദേവിയിൽ ആദിത്യനു ജനിച്ചവനായി വിളങ്ങുന്ന ശനിദേവനേ ഇതാ ഞാൻ നമസ്കരിക്കുന്നു.

അർദ്ധകായം മഹാവീര്യം 

ചന്ദ്രാദിത്യ വിമർദ്ദനം 

സിംഹികാ ഗർഭ സംഭൂതം

തം രാഹും പ്രണമാമ്യഹം 

(8)

പകുതി ദേഹത്തോടുകൂടിയവനും മഹാപരാക്രമിയും സൂര്യചന്ദ്രന്മാരെ പീഡിപ്പിക്കുന്നവനും സിംഹിക എന്ന ദൈത്യസ്ത്രീക്കു ജനിച്ചവനുമായ രാഹുവേ ഇതാ ഞാൻ നമസ്കരിക്കുന്നു.

പലാശപുഷ്പ സങ്കാശം 

താരകാഗ്രഹമസ്തകം 

രൗദ്രം രൗദ്രാത്മകം ഘോരം

തം കേതും പ്രണമാമ്യഹം 

(9)

പ്ളാശിൻ പുഷ്പത്തിന്റെ വർണ്ണമുള്ളവനേ, നക്ഷത്രങ്ങളുടെയും ഗ്രഹങ്ങളുടെയും തലവനേ, കോപിഷ്ഠനും കോപരൂപിയുമായവനേ, തീക്ഷ്ണസ്വഭാവമുള്ളവനേ, കേതുവേ ഇതാ ഞാൻ നമസ്കരിക്കുന്നു.

Copied from Madhava Kalyan monthly magazine, January 1998.